محمد بنعلـي

مَالْ حَالي

لـْـمّا اقْدامْ التّالي وُالْوالـِــــــــي

غْطّسَاتْ فىْ كلْتَتْ الَفْجـورْ

فاقْ بَالِي وُاوْحَى لــِـــــــــــــي

نْعِيدْ الْخُطْوَى لْلـّــُـــــــــورْ

اسْتْغَرْبو لَرْفاقْ منْ حَالـِــــــــي

عُكّازي تْخَيّلوهْ مْكْســــــورْ

عْدّوني فىْ الَحْساب ْالتــّـــالـِــي

وْالتّالي فْى الجّمَاعَة مْقْهورْ

مْنْ يُومْها بْنِيتْ فىْ خْيالــــــــي

شـْلا ّمنْ قْلعاتْ وُقْصـــــورْ

فىْ كـُلّ ُركْنَة انْشيتْ بْرْجْ عَالِي

وْ ازْدِيتْهُمْ بْألْفْ سـُـــــــــورْ

غَرْضي نْحَصّنْ رَاسْ مــــالــي

منْ النّفاقْ وُ النّميمَة وْالــّزورْ

لاَصاحْبْ لاَ حْبيبْ وْلاّ لـِــــــي

خْلاوْني فْى حَصْنِي مْحْصورْ

كُلّهُمْ اسْتْغَرْبوا مْنْ حَالـــــــــــي

بانْ ليهُمْ عُكّازي مْكْســـــورْ

مالْ حالي يابــالــــــــــــــــــــي

وُاعْلاشْ طْلَعْتي لي فْالـــدّورْ

وْقَفْتي فىْ طْريقي تــْـشــــــالــي

بْحْســامْ ماضي مْنْجــــــــورْ

ساعْفْتَكْ فْالتّـُلْثْ الْخــــالـــــــــي

رْميتْني وْلاَ حْبيبْ يـْــــــــدورْ

قاضي صْحيتي يَا بَالــــــــــــــي

مْــنْ فــوقْ راسـي َتتـْــشــــورْ

فْى جْوارْحي َتحْكمْ وُخـْـــيالـــــي

انْـــتَ حَـاجْــرْوَانــا مَحْجــــورْ

لاَ شْهـــودْ لاعْــدول قـُـبَــــالــي

ْتحْــكَـمْ بْالْحَــقّ أوْ الــــّـُــزورْ

رْميتْنـــــي فـْـى تُلـْــثْ خالــي

كِطِيــرْ جْنـاحـُـه مَكْســـورْ

موقـع محمد أسليـــم - تاريخ الإنشاء: 27 ينايـر 2002.