محمد بنعلـي

الطرقان فيها.. أو فيها..

ساقْ يْسابْقْ سَاقْ…

وْ ساقْ هَالْكْ مَبْتـــــورْ

وْ الطّرْقانْ تْرْبَطْ لاَطـْواقْ..

وُ تْجَرّ مْنْ جـــاهْ الدّورْ.

وُحْدَة فيها سُـــــــورْ

وُحْدَة تَاتفتلْ وُ تـْدورْ

وْوُحْدَة تعْمرْ اوْ تْضياقْ.

كْفّ ايْمَسّدْ كْـــفّ

وُ كْتَفْ يْحُكّ ْ اكْتَفْ

الْقُهْرَة فِينَا ضُعْـــفْ

وُ الضّيقْ عَمّْرُه ما يْتْطاقْ

الْعينْ فىْ الرّاسْ تْشوفْ

تْحُوّمْ فىْ الْكونْ وُ تْطوفْ

وُالنّظْرْ بْالْبُعْــدْ يْتْحَـــــــّدْ

قَالوا زْمانْ :

[الشٌوفْ ما يْبرٌدْ الجٌوفْ].

أرى ما تْشوفْ..

وْ أرى ما تْعـْــّدْ..

وْ يْبْقى الْقَلْبْ ْمشْتــــاقْ

الزٌمانْ كيفْ لعْـبْ لاَوْراقْ

مْرّة كْريمْ ..

مرّة سْـرّاقْ..

يلَ خذالك الْيــــومْ

راه غْدّا يْـــــــُردّ

ابْـنادْمْ اطباعْ وْ اذْواقْ

شلاَّ تْحْصي ْيلَ بغيتي تـْعـدّ

واحْدْ يْبْني اوْ واحْدْ يْهَـدّ

واحْدْ ناعـْسْ اوْ واحْدْ يكدّ

واحْدْ غْـراقْ فىْ سوقُه ْرقـدْ

أوماصابْ لـْـفكاكُه جهْـدْ

كلما قالْ...الْعُقْدَة تـتـْشَـــّدْ

اوْ وَاحْدْ بـْلاَ مَالْ ارْتاقْ

فىْ كُـــــلّ الأَسْــــــواقْ

مْيــازْنُـه بْـالـنّـــفـــــاقْ

ُو سْـــلَـعْـتُـه تَـــمـْــلاقْ

وَاحْـــدْ بْـالـسّـــــمــــاقْ

ْيــخـــــَـطـّـــطْ اوْراقْ

مــنْ زْمــانْ الاَشـْـواقْ

صْــنــَـعْ اطـْـــبـــــاقْ

منْ اهْوالْ اِيّامُه نْظَمْ غِيوانْ

ياترْاه يْتْسَلّى به ؟ياتراه ولهان ؟

ياتراه به ينوح ؟ طولْ زْمَانهُ سكْرانْ

ياتراهْ بْبَنْديرْ اهْوالُه يْطْرَبْ اوْ يْنْشَدْ؟

ياتْراهْ بْطَرّو وُ كْْوالُو سايْرْ يـْـغـرّدْ؟

واحْدْ فىْ و ْسَخْهــا لـْبَدْ

غُبّ ْمَركْبُه وُ غْراقْ

مْنْ خْزايْنُه دَارْ مَـــعْـبـَـدْ

وُ تـْطـَـــبّعْ بْاخْلاقْ

واحْدْ يْلَ رادْ يْتْكَرّمْ

ْبالْحَرْفي يْطْعَمْ

يَعْطي بْالشّمَالْ كْالَخْدَمْ

يَرْجَعْ يَنْدَمْ

وْ تَسمع ليه ْعْــيَـاطْ

هاكْ بْالتَّشْراطْ َماشاطْ

يْعْـطي لَشْداقْ

الْمَجْواعْ يْتْساقْ

و يبْــلّلْ بْالَبْزاقْ..

وُالطُّرْقانْ فيها.. اوْ فيها..

وُحْدَة تْطْوالْ اوْ تْتْحَدّ ْ

وُحْدَة قْصيرَة ما تْنْعَــدّ ْ

وُحْدَة سايْرَة اوْ دايْرَة

أوْ وُ حْــدَة مَا تـُطـَـــاقْ

اوْ وُحْدَة تْعْمْرْ وْ تْضْياقْ

وْ ساقْ يْجْري عْلى ساقْ

موقـع محمد أسليـــم - تاريخ الإنشاء: 27 ينايـر 2002.