محمد بنعلـي

الْخْيالْ عْمّـْرُه مَا يْرْحَمْ

أمالْكْ يامالْكي تْنْشي قْبالْتي اسْوارْ

تْغَرّقْ فىْ الَحْفــــــــارْ

اوْ تْبْني سْدودْ غْريقَة.

نْتْعَلّقْ فىْ رْتاجْكْ و تْسَلّ الْمَسْمارْ

اعْضايَا تْخُـرّ ْ

تَبْقى جْوارْحي عْليقَة.

إيمْتى تْحـْـنّ ْ؟

تْجيني شي نْهارْ

نْزْمّـْمُه تْذْكارْ

بْحروفْ الَمْحْبّة وْالَعْهودْالَوْثيقَة.

تْعَبْتْني بْلَحْيـَالْ

وْاحْيالي،امْدْبّرْها بَارْ

تسورْتاتْ ابْوابُه

نْقْضاتْ وْ مارُمْتْ بابْ لْقَلْبْكْ أوْ طْويقَـة.

نْبْني اوْ تَهْــدَفْ فىْ جْنْبْ ادْواري

تْبْني ادْوَارْ

تْنَبْصْرْ ادْوارْك زاهْيَة وُ ادْواري عْتيقَة.

نْرْجَعْ مْنْ ساسي نَهْــدَمْ

وُتْضيعْ لاَعْمـــارْ

ما غْنَمْتْ طولْ الَعْمْرْ

فىْ جَنْبْكْ دْقيقَة.

جاهْدْتْ فىْ الذّاتْ ولعْقْلْ تاهْ بْالتّفكيرْ

فىْ كُبّـَة يْتْخَبّلْ

جاتْ فىْ سْدْرَة دَامْيَة.

كْالزِّينْ عْشَقْتُه ذاك لْعْقل ْالنّيِيرْ

بْمْنَارْةْ الْعَفّــَة

عْشَقْتُه وْالاَخْلاقْ الْعالْيَـــــة.

ْدفوفكْ اطْرُقْتْها وصْدِّيتْني بْالْخيرْ

بْحْلاوُةْ الْبَسْمَة رْجَعْتْ

وُرْزانْتْ الْكلْمَة الْواعْيَة

موال :

دقّيتْ فْابْوابـْك نَاشْدْ اَلَكْـلامْ

قُلْتْ بْالْمَايَة نْسْبيكْ وُ الْقَافْيَة وْالاَوْزانْ

كْالخَنْساء بْعَـتْـثـيِ وُلسَـانْـكْ حْـسامْ

بْالقـْوافي قـْفيتي قـْوافِيـّا وْالاَلحانْ.

كْالَبْهــــا عْشَقْتهُ هَذاكْ الَحْسامْ

بْالْحكْمَة يْطْعــنْ

وُ يْداوي الْمَجْروحْ بْالاَحْسانْ.

لَكِنْ واشْ غُلْبَكْ عليّ َمَا يْعف ّ؟

هَذا غُلْبي عْليكْ عارْ

جِتَـكْ للعْتاب مْـكتـّفْ مسْـتَسْلمْ

سْالْتَكْ بْالله سالْتَـكْ بْالْحُبّ

السّاكْنْ قْلْبي

ْبرّدي بْمَاء الَمْوُدّّة وْارَحْمي صْهْدي

بَعْثي لِيّا امْرَاة كيفْ صُوّرَكْ

حْرْفي اوْ الَعْقْلْ

لَخْيَالْ مَايْشفي عْلّـَة

لخْيالْ مايْطْفي حُرْقَة

لخْيالْ عْمّرُه مَايْرْحَمْ…

موقـع محمد أسليـــم - تاريخ الإنشاء: 27 ينايـر 2002.