محمد بنعلـي

درب الحياة

فىْ دَرْبْ الْحَياةْ هايْميـــْن

أوْ الاِيّامْ تـْــدورْ

آشْ يْْجرى لــوُْعَارفيـــــْن

فينْ يْرْسى الـــّدُورْ؟

فىْ دْربْ الْحَياةْ هايْميـــــْن

أوْ الإيّامْ تَتْبَـــــــــّدْلْ

مْـرََّة تْــسْـقـيـنا خـْـمْــرْ

أحْلـى مْــن عـْــســْــلْ

نَنْسـاوْ حالْنا وُاحْوالْنــَـا

وُ يْطيــرْ الثــّمْــــــلْ

يـْرجـَـعْ حْـدْجة فىْ لـْسانْـنا

كِعْصيرْ حَــنـْـطـْــــلْ

نَبْقاوْ هايْمينْ يَانــَاسْ

أوْ لِايّامْ تـْــــــدورْ

مَا وقـّـفاتـْنا حْـفـْـرَة

وَلاَ حـْـدّنـا سُــورْ

مَا دامْتْ فِينا قـُهْــرَة

مَا دَامْ سْــرورْ

تَابْعينْ لْحْكامْ الْقــُـدْرَة

وْ الـْعَـجَلَة تـْــدورْ

فىْ دْرْبْ الْحَياةْ هايْميـنْ

وْ نْــــعْـدّو لاِيـّـــامْ

الزّمانْ يتْرصّدْ فـْدْرُوجْ

امْحْزّمْ بْحْســـــامْ

وَاحْد درْجَـة يْلَ نْـجــا

ما يزيد للقـُـدَام

بْقـْـفـْـزَة واحْـدْ يَـنْجــى

اوْ يبْـلغْ التـّمـَـامْ

فىْ دْربْ الحَياةْ هايْميــنْ

اوْ لاَحْوالْ تتبَـــدّلْ

كِيفـْها الاَطْبَاعْ وُالعَاداتْ

يـتـْـبْـدّلْ لـْعـقْــلْ

كَمّ مْنْ واحْدْ تْراهْ امْشَمّرْ

بْالجَــدّ يْعْمَـلْ

واحْـدْ خامْل ناسي حالـُـه

طالـقْ لَحْمـْـــلْ

واحـــْدْ كِحَنْشْ يفْسَخْ جلـْدُه

كُ نْهارْ بْـلـونْ

عايْشْ بْالنّفاقْ ْلسانٌه مْطراقْ

يهــْدَمْ حْصونْ

واحدْ غْراقْ فىْ هَمّـُه مْنْساقْ

نـاسيهْ الـْـكــونْ

حتّى لـرفـاق طْـلقـوق طلاقْ

عْـدّوهْ مجـنــونْ

كَمّ مْنْ واحْـدْ تـْـراهْ طـايـْــــرْ

امْعَـلِّي فىْ سْماهْ

زْطَمْ عْلىَ لكْداحْ ُونْسَى ناسُه

بْالْمـــالْ وُالـْجاهْ

كَمّ مْنْ واحْـــْد زْيانْ حــالـُــه

ْربـّـي اللّي اغْنـــاهْ

تـْهَـلاّ فىْ ناسُه ُوكْرَمْ الَيْتيـــمْ

وْ الَفْقـيــــْر اعْطـــاهْ

هَكذا هُـوَّحَـــــــــــالْ الـــّدْنْيــا

واشْ دامْـتْ لاْحْـــد؟

قلّبْ صْفْحاتْ َهذا التّاريـــــخْ

سطــُـورُه تشْهْــــــدْ

بْعْــدْ الظّلْمَة ْتنَقْشَعْ لاَنْـــــوارْ

ُوالضّبابْ يْتـْــــــــَردّ

كذاكْ الْحَيـــاة ْ بعْدْهــــا

الْمَحْمْلْ وُ الّلحْــدْ

فْى دْرْبْ الْحَياةْ هــايْمــيـــنْ

مرْبوطيـنْ بْحْبالْ

وَالْدينْ وُ اوْلادْ وْاخـّــُـــوتْ

وُ عْمومْ وْ أخْـوالْ

جْــدودْ اوْ قُرْبـَة وُ اصْهــــارْ

وُازْواجْ الَــحْـلالْ

احْبالْ الَمْحَبّة عْلىَ لاَغْراضْ

تخَبّلاتْ وُ الْمــالْ

كِيفْ الْعَـــجَلـَــة تْـــــدورْ

و بْنـَادْمْ مْرْعـوبْ

لاَطْماعْ وفتيلـْـةْ لَمْـلاجَّة

تــْشعـْـلْ حْـروبْ

يْلَ طْغىَ لقـِْويّ وُ تجْبــّرْ

تـْرى الْحَـقّ مْقْلــوبْ

وتدور الرّحىَ..و يـرجْــعْ

الغالـْبْ مْـغْلـوبْ

خلـِّـيهـا تـْدورْ يـا بْنــادْمْ

وُاغْنَـــمْ لاِيـــّــامْ

اقشعْ فالطّـْـريـقْ بْــالَمْـحَبـّـة

نـُـورْ السّـلاَمْ

مهّـد الــّطْـريــقْ لاْوْلادْكْ

شْــطـّـْـبْ لاَلْغـامْ

الْفــايْتْ فوتـُه باشْ فَادْكْ؟

شــوفْ للـْقـُـــّدَامْ

خلـِّـيهَا تـْـدورْ يا بْـنادْمْ

صْـفـِّي الـقـْـلـوبْ

الْخِـيرْ ازْرْعُه فىْ طْريقْها

وُاصْـلـحْ الـَـعْيـوبْ

الْعــالي رْبيّ اللي انْشَـانَا

ْقــبَايْلْ وُ شْعـُوبْ

اوصفْ الَكـْـريمْ فينـا

بْالتـَّاقي المَحْبـوبْ

موقـع محمد أسليـــم - تاريخ الإنشاء: 27 ينايـر 2002.